اللؤلؤة النادرة

رسمتك في خيالي مثل اللؤلؤة النادره

لكن بحركِ عميق لاأستطيع أن أعبُره

همساتك الرقيقة لقلوب العشاق ساحره

تفوحُ بشذى الزهور والورود العاطره

كم أسعدتني وجَمَعَت أشلائي المُبعثره

وكم أشعَلت بداخلي طاقاتي المُهدره

قبلك كنت تائهاً وحياتي كانت مكرره

الوقتُ يمضي مُمِلاً والليل كم أسهره

ذِكرُالله أنيسي وتلاوة آياته المطهره

وذكرياتي ودموعي وأقلامي والمحبره

بِكِ قد أصبح عظيماً ويكن لدي مقدره

وبعدها فليقولوا(( وراء كل عظيمٍ إمرأه))

الفرح الحزين

في ليلة فرَح , تغلبت فيها مشاعر الحزن على مشاعر الفرح ..
في ليلة زفاف أخي فيصل تذكرت وتخيلت والدتي ( رحمها الله ) في تلك الليله , قلت :

أنا دمعي على خدّي تنثر ..
وذكرت أمي في لحظات حزينه ..

وموج الحزن في قلبي أبحر ..
وأرسى في شاطي الذكرى سفينه ..

ضاق الصدر وقمت أتذكر ..
عهد مضى راحت سنينه ..

ياما من الدهر أتضرر ..
شفت منه زينه وشينه ..

جيت للفرح وصفوي تكدر ..
وبانت أشواقي الدفينه ..

ياناس أنا على أمي محتر ..
ومثلي عسى ربي يعينه ..

ياعين هلّي دمع تحجر ..
وصافي الدمع لاتحبسينه ..


يمه عسى ذنبك يغفر ..
ويوسع قبر تسكنينه ..

يضيق صدرك كل مانتأخر ..
وليلك علينا تسهرينه ..

درب الموت حق مقدّر ..
وكل الخلايق سالكينه ..

مسكين ياللي بدنياه مغتر ..
مهما صفا الماء آخره طينه ..

شفت فيصل وقلت ( الله أكبر ) ..
وينك يايمه تشوفينه ..

شفت الفرح في عيونه يكبر ..
وينك يايمه تهنينه ..

الزرع اللي زرعتيه أثمر ..
وينك يايمه تقطفينه ..

يوم أشتد عوده وأزهر ..
الموت حال بينك وبينه ..

تخيلتك في أحلى مظهر ..
بين الحريم وأنتي تزفينه ..

تخيلتك ياريحة العنبر ..
بدهن العود تطيبينه ..

تخيلتك في أجمل منظر ..
على صدرك تضمينه ..

تخيلتك وقمت أتصور ..
يدك وأنتي تصافحينه ..

تخيلتك والخاطر تأثر ..
ياعين وين اللي تودينه ..

خيالك قدامي تكرّر ..
في ليله من عمري حزينه ..