(( خاطرة تحكي معاناة أم مُسنة أسكنها إبنها في دار المسنين ))
يا وليدي نسيت أني أمك ؟
نسيت حضني اللي ضمك ؟
ليلي و نهاري أشيل همك
نسيت اني لحمك ودمك ؟
نسيت أني حملتك في حشاي ؟
نسيت أنك وليدي وضناي ؟
ياخسارة خاب ظني ورجاي
معقول ؟؟ بعد التعب هذا جزاي ؟
نسيت ,, قولك يمه صحيني باكر
وجهزي أقلامي و الدفاتر
والشنطة والألوان والمساطر
وكوب الشاي وانت لدرسك تذاكر
نسيت كلامك في ماضي الزمان
وقولك يمه أدعي لي عندي امتحان
واطلب الله آخر الليل وعند الأذان
وامسح على رأسك واحسسك بالأمان
نسيت .. يوم أنظف هدومك ؟
وانت مريض أرعى شؤونك
والليل اسهره لأجل عيونك
أخفف همك وامسح دموعك
ليش سكنتني في دار المسنين ؟
وانا اللي سكنتك بقلبي سنين
وسقيتك من روحي حب وحنين
ليش مارحمت لوعة قلبي الحزين
يا وليدي .. ليش الجحود والغدر ؟
ليتك من عقب كل هالعمر
تصير لي بعد الله عز وذخر
قبل ما يدفنوني وسط القبر
ليش مارحمت ذلي وخضوعي
وهانت عليك عبراتي ودموعي
ليش ماحسيت برجفة ضلوعي
ما عاد في العمر كثر ما مضى
يا خسارة العمر راح وانقضى
ما ارجي غير رحمة الله والرضا
من حسرتي ضاااااق بي هالفضا
ما طاعني قلبي أدعي عليك
من ظلمك أخشى دعواتي تجيك
حرام تقسى مادام قلبي يبيك
واعرف تراني أمانة بين إيديك
