النسيان

النسيان بلسم يشفي جراح الزمان !!
ونعمة من الله لبني الإنسان ..

أيها النسيان ..
كم نحتاج إليك لتخفف آلام الفقد
واللوعة والأسى والحرمان !!
*****
أسألك بالله وشلون أنسى ؟
وأنا في بحرك أبحث عن المرسى !!
أسألك بالله كيف أنسى ؟
ونبضات قلبي تناديك
وأبيات القصيد تفرح بطاريك
يعلم الله مانسيتك
لأجلك بعت العالم وشريتك
أسألك بالله وشلون أنسى ؟
الشمس اللي كلما أشرقت أدفا
ومن هموم الوقت لي ملفا
جيت أبنساك ولقيتك في عيوني نظر
وغيمة أنتظر منها رشة مطر
حاولت أنساك ولقيتك في ضي القمر
وفي سكون الليل وفي عطر الزهر
تروح أزمان وتجي أزمان
أبحث عن شاطئ النسيان
وأقول بكره أكيد أنسى
يجي بكره ألقى الزمن يقسى
مستحيل الليل ينسى نور النجوم ؟
والصحاري ماتنسى أمطار الغيوم !!!
تروح أزمان وتجي أزمان
ومستحيل أنسى أبد ما كان
أحسب أن الوقت ينسيني !!
لقيت الذكرى لك توديني
ولقيتك عمري وسنيني !!
ودمي اللي في شراييني !!