( جرح الحريم )

كان أحدهم دائماً يجرح ويتبجح
ويسخر بالحريم ( هكذا ينطقها .. الحريم .. )
وأصبحت محاولات الإقناع بين هبوط وإرتفاع
ولكن للأسف ليس لديه تقبل وإنصياع
فكتبت هذه الخاطرة لعل وعسى : :
:
تدري وش معنى (( جرح الحريم ))
نكران وجحود وجرح في الصميم
وإحساس بالألم الله به عليم
وما يجرح الحريم إلا اللئيم !!
تدري من هي الحرمة ؟؟
هي العطر اللي دايم نشمه
هي زوجة الرجل وأخته وأمه
الحنان في صدرها تحتويه وتضمه
وصرخة طفل إذا زاد ضيقه وهمه
ينادي بأعلى صوت( ضميني يمه ) !!
الحريم يتألمون وفي قلوبهم يكتمون !!
مثل الورود إذا أهملتهم يذبلون !!
يحبون بوفا بكل اخلاص وجنون
ويكرهون من خانهم مهما يكون !!
تبوح بحزنها بآهات ودموع
وضعفها قوة لاتحسبونه خضوع !!
الحرمة دفء وحنان وسكن
وإحساس وعطف وأجمل وطن
تعرفها لامن زاد جور الزمن
تعطي وتضحي بأغلى ثمن !!
بكلمة وحدة تنسى اللي حصل !!
بس كلمة وحدة شوق وغزل !!
تصير مثل النحل تعطي عسل
وتشرق شمسها بدفء الأمل
و يمنع مشاعرها زود الخجل
تخيل البيت إذا صار بدونها
والأرض بليا أمطار مزونها !!
وتخيل الكون بليا عيونها !!
والأم لو تفقد مضنونها
تدري بعدها وش نصير ؟؟
يطفا سراج البيت المنير
ونصير مثل الأعمى الضرير
والليل شتاء وبرد وزمهرير !!